ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានរម្លឹកថាប្រទេសកម្ពុជាមិនមែនជារបស់អ្នកណាផ្ដាច់មុខទេ គឺជាកម្មសិទ្ធិរបស់ប្រជាពលរដ្ឋគ្រប់រូប ហើយពលរដ្ឋត្រូវមានការចាំបាច់ចូលរួមថែរក្សា។
សម្ដេចតេជោ ហ៊ុន សែន ថ្លែងក្នុងទិវាជាតិទីក្រុងស្អាតលើកទី១១ នៅរសៀលថ្ងៃទី២៧ ខែកុម្ភៈ ឆ្នាំ២០២៣នេះថា អ្នកណាក៏ដោយឱ្យតែនៅប្រទេសកម្ពុជាត្រូវចូលរួមថែរក្សាអនាម័យបរិស្ថាន ព្រោះកម្ពុជាជាទឹកដីរបស់ពលរដ្ឋកម្ពុជាគ្រប់រូប។
សម្ដេចថ្លែងបែបនេះដោយចង់ឱ្យពលរដ្ឋចូលរួមក្នុងការថែរក្សាអនាម័យបរិស្ថានពីឆ្នាំនេះទៅឆ្នាំទៅមុខទៀតទាំងនៅទីក្រុង និងជនបទគ្រប់កន្លែង៕
